Liber Nehemiae*
Caput 13: Versus 31
Et in oblatione lignorum in temporibus constitutis et in primitiis.Inter caetera populus ligna offert ad ignem altaris nutriendum, cum opera virtutum divina consecratione digna operantur. Ardent ligna et consumuntur in altari holocaustorum, cum in cordibus electorum, opera justitiae flamma charitatis perficiuntur.Memento mei, Deus, in bonum.Merito talis conditor et dedicator civitatis, post multos devotionis labores, memoriae se Creatoris et largitoris omnium bonorum commendat.